• Suna Suna Dil Ka Mujhe Nagar Lagta Hai

    Suna Suna Dil Ka Mujhe Nagar Lagta Hai

    Suna Suna Dil Ka Mujhe Nagar Lagta Hai

    Apne Saae Se Bhi Aaj To Dar Lagta Hai

    Baant Raha hai Daman Daman Meri Chahat

    Apna Dil Bhi Kisi Saḳhi Ka Dar Lagta Hai

    Mahrumi Ne Jahan Basera Dhund Liya Hai

    Mujh Ko To Vo Ghar Bhi Apna Ghar Lagta Hai

    Meri Barbadi Mein Hissa Hai Apnon Ka

    Mumkin Hai Ye Baat Ghalat Ho Par Lagta Hai

    ‘Josh’ Hun main Divane-Pan Ki Us Manzil Mein

    Jahaan Raqib Bhi Apna Nama-Bar Lagta Hai

    A.G Josh

  • Shabab Aa Gaya Us Par Shabab Se Pahle

    Shabab A gya Us Per Shabab Se Pahle

    Shabab Aa Gaya Us Par Shabab Se Pahle

    Dikhai Di Mujhe Taabir Khvab Se Pahle

    Jamal-E-Yaar Se Raushan Hui Meri Duniya

    Vo Chamki Dil Mein Kiran Mahtab Se Pahle

    Dil-O-Nigah Pe Kyun Chha Raha Hai Ai Saaqi

    Ye Teri Aankh Ka Nashsha Sharab Se Pahle

    Na Pesh Nama-E-Aamal Kar Abhi A.G ‘Josh’

    Hisab Kaisa Ye Roz-E-Hisab Se Pahle 

    A.G Josh

  • Jab Kabhi Zikr Yaar Ka Aaya

    Jab Kabi Zikkr Yaar Ka Ayaa

    Jab Kabhi Zikr Yaar Ka Aaya

    Ek Jhonka Bahar Ka Aaya

    Ishq Kachche Ghade Pe Duub Gaya

    Lamha Jab Intizar Ka Aaya

    Aa Ga e Dil Mein Vasvase Kitne

    Waqt Jab Etbar Ka Aaya

    Paas Tir-O-Kamaan Na The Apne

    Jab Bhi Mausam Shikar Aa Aaya

    Ham Ne Thukra Diya Jahaan Ko ‘Josh’

    Marhala jJb Waqar Ka Aaya

     A.G Josh

  • Itnaa Ehsaan To Ham Par Wo Khudaaraa Karte

     

    Itnaa Ehsaan To Ham Par Wo Khudaaraa Karte

    Itnaa Ehsaan To Ham Par Wo Khudaaraa Karte

    Apne Haathon Se Jigar Chaak Hamaaraa Karte

    Ham Ko To Dard-E-Judaai Se He Mar Jaanaa Tha

    Chand Roz Aur Na Qaatil Ko Ishaara Karte

    Le k Jaate Na Agar Saath Wo Yaaden Apni

    Yad Karte Unhen Waqt Guzaara Karte

    Zindgi Milti Jo So Baar Hamen Duniya Mein

    Hum To Har Baat Esse Aap Pe Waara Karte

    ‘Josh’ Dhundlaata Na  Har Giz Ye Mera Shesha-E-Dil

    Gard Us ke Wo Agar Roz Utaara Kerte

    A.G Josh

  • Ham He Zarre Ruswai Se

     

    Hum He Zarre Ruswai Se

    Ham    He    Zarre   Ruswai Se

    Kya     Shikwa      Harjai      Se

    Ishq Mein Aaḳhir ḳhawaar Hue

    Laakh      Chale     Daanaai    Se

    Garwida     Karte    Hain   Phool

    Rango’n      Aur      Raanaai   Se

    Milte       Hain     Anmol    Ratan

    Saagar       Ke       Gehraai     Se

    Jhoot   K  Khol  Main Baithha Hun

    Darta      Hun      Sachchai     Se

    ‘Josh’    Ne    Sekhi  Hai Parvaaz

    Sirf       Teri      Angdaai       Se

    A.G Josh

  • Har Mulaqat Mein Lagte Hain Wo Begane Se

    Ghazal

    Har Mulaqat Mein Lagte Hain Wo Begane Se

    Fayeda Kya Hai Bhala Aisom K Yarane Se

    Kuchh Jo Samjha To Mujhe Sab Ne He Ashiq Samjha

    Baat Ye Khuub Nikala Meray Afsane Se

    Zindaga Apni Nazar Aane Lagi Sirf Sarab

    Kabhi Guzre Jo Dil-E-Zaar K Viraane Se

    Ek Pal Bhi Na Thahar Paoge Ae Sang-Zano

    Koi Patthar Kabhi Lout Aaya Jo Dewane Se

    Tum Ko Marna Hai To Marna Meray Gul Hone Per

    Shamma Kehti Rahi Shab-Bhar Yahi Parwane Se

    Phir Na Dekha Tujhe Ae ‘Josh’ Sukun Se Baitha

    Jab Se Uttha Hai Tu Es Shoḳh K Kashane Se

    A.G Josh

  • Guzray Jo Apne Yaaro’n Ke Sohbat Mein Chaar Din

    Ghazal
    Guzray Jo Apnay Yaaro’n Ke Sohbat Mein Chaar Din By A.G Josh

    Guzray Jo Apne Yaaro’n Ke Sohbat Mein Chaar Din

    Aisa Laga Basar Hue Jannat Mein Chaar Din

    Umr-E-Khizar Ke Us Ko Tamanna Kabhai Na Ho

    Insan Ji Sake Jo Mohabbat Mein Chaar Din

    Jab Tak Jiye Nibhaien Gay Ham Un Se Dosti

    Apne Rahe Jo Dost Musibat Mein Chaar Din

    Ae Jaan-E-Aarzu Wo Qayamat Se Kam Na The

    Kaatay Teray Baġhair Jo Ghurbat Mein Chaar Din

    Phir Umr Bhar Kabhi Na Sukun Pa Saka Ye Dil

    Katnay Thay Jo Bhe Katt Gaye  Rahat Mein Chaar Din

    Jo Faqr Mein Surur Hai Shahi Mein Wo Kaha’n

    Ham Bhi Rahe Hain Nashsha-E-Daulat Mein Chaar Din

    Us Aag Ne Jala K Ye Dil Raakh Kar Diya

    Uthtay Thay ‘Josh’ Shoulay Jo Vahshat Mein Chaar Din

    A.G Josh

  • Chandni Raat Mein Andhera Tha

    A G Josh Ghazal
    Chandni Raat Mein Andhera Tha By A.G Josh

    Chandni Raat Mein Andhera Tha

    Is Tarah Bebasi Ne Ghera Tha

    Mere Ghar Mein Basi Thi Taariki

    Ghar Se Bahar Magar Savera Tha

    Wo kisi Aur Ka Hua Hai Aaj

    Wo Jo Kal Tak To Sirf Mera Tha

    Urr Gaye Aas K Sabhi Panchhi

    Jin Ka Dil Mein Mere Basera Tha

    Bas Vahien ‘Josh’ Ka Mazar Hai Aaj

    Kal Jaha’n Bevafa Ka Dera Tha

    A.G Josh

  • Ik Zara Tum Se Shanasai Hui

    Sad Ghazal
    Ik Zara Tum Se Shanasai Hui By A.G Josh

    Ik zara Tum Se Shanasai Hui

    Shahr-Bhar Mein Meri Rusvi Hui

    Husn Ko Koi Bhi De Paaya Na Maat

    Jab Hui Aashiq Ki Paspai Hui

    Dekhne Ko Kuchh Nahin Tha Gar Yaha’n

    Chashm-E-Bina Kyuun Tamashai Hui

    Us Ne Puchha Mere Aane Ka Sabab

    Main Ne Ye Jaana Pazirai Hui

    Iltija Dohra Raha Huun Phir Wo ‘Josh’

    Jo Hai Laakhon Baar Dohrai Hui

    A.G Josh

  • Aah Bhe Harf-E-Dua Ho Jaisay

    Ghazal

    Ah Bhe Harf-E-Dua Ho Jaisay By A.G Josh

    Aah bhi Harf-E-Dua Ho Jaise

    Ik dukhi Dil ke Sada Ho Jaise

    Wo Hai Khamosh To Yu’n Lagta Hai

    Ham Se Rab Rooth Gaya Ho Jaise

    Naam Likh Likh K Mitaata Hai Mera

    Ye Bhi Ik Naqsh-E-Wafa Ho Jaise

    Dil K Aainay Mein Hai Ik Chehra

    Koi Shai Dhoond Raha Ho Jaisay

    Zindaga Oongh Rahi Hai Ae ‘Josh’

    Kisi Muflis Ka Diya Ho Jaisay

    A.G. Josh

Close
Bitnami